श्री गणेश आणि स्वामी!!

गणपती वर स्वामींचे खूप प्रेम होते. अक्कलकोटात त्यांनी ठीक ठिकाणी गणपतीच्या मूर्तीची प्रतिष्ठापना केली. वटवृक्ष मंदिरामधल्या गणेशाची स्थापना सुद्धा स्वामींनी स्वहस्ते केली.
अक्कलकोट च्या जुन्या राजवाड्यात स्वामींची स्वारी बर्याचवेळा जाई. राजवाड्याचा भव्य दरवाजा तब्बल १२ ते १५ फुट उंच. दरवाज्याला एक झरोका आहे. सामान्य माणूस दरवाज्याच्या झरोक्यातून सहज आत बाहेर करू शकतो. दरवाजाच्या चौकटीच्या वरच्या भागात गणपतीची लाकडात कोरलेली एक तस्वीर आहे. त्या तस्विरीला येता जाता स्वामी सहज लीलया हात लावीत आणि म्हणत 'मेरा गण्या'

एका औंसत मनुष्याला हात वर करून, पायाच्या टाचा उंचावून सुद्धा तिथे पोहोचणे शक्य नाही. स्वामी दाशरथि रामाप्रमाणे आजानुबाहू(त्यांचे हात गुढग्यापर्यंत लांब होते) होते.